De 52e jeugdprins van de Zölderratte is Sem I Piepers. Es jeugdprins Sem I geit hae regere mèt ziene liefsjpreuk:

              Dit jaor geit ’t bèlke weer rolle ...

De Zölderratte zeen d’r nao seizoen 2015-2016 un tiedje oet gewaes. Sinds 2 jaor is d’r weer unne jeugdraod en dit seizoen moog d’r eindelik weer unne veurgenger oetgerope waere. ’t Bèlke geit weer rolle ...

Sem is de zoon van AAP Stefan (2007) en Kim Piepers. Ouch Sem is al jongk besjmet geraak mèt ’t Vastelaovesvirus. Hae is de Nachrätjes veur moge gaon in 2015. En hae is Vorst gewaes zowaal biej de Nachrätjes ès biej de Zölderratte.

Sem zit op 4 HAVO van BC Broekhin. In de aovend-oere is hae te vinje biej Albert Heijn XL, wo hae zorgt det de vakke good gevuld zeen. Op zunjig is Sem op de voetbalvelde te vinje van RKAVC, wo hae biej de seniore un aardig bèlke mèt-trapt. Döks biej ’t 1e mèr ouch mèt regelmaot biej ‘t 2e.

Es adjudante haet Sem gekaoze veur ziene gooje vrundj en aad-adjudant biej de Nachrätjes: Levi Beckers, 14 jaor, woonachtig in Azerao (Boeshei); ziene maot en oud-klasgenoot: Jonathan Wilms, 15 jaor, woont ouch in Azerao en veur ziene teamgenoot biej ‘t 1e: Lutiano Heijboer, 18 jaor, woont in Zjwame.